الممثلة سمر المطوسي في بودكاست مع أمل : حكيت مع شخص زعزع فيا حاجة من داخل لقيت روحي نزلت على فلسة و فسخت تصاوري و فيديواتي الكل و كلمت الناس بش تفسخلي تصاوري.. و من غدوه مانيش حاضرة و لبست لبسة الجامع و مشيت نصلي و قعدت أيامات منعزلة وحدي و ما هبطت شي و ما كلمت حد.. و من بعد هبطت و الناس فرحتلي.. .
قاعدة ديما ندعي لروحي بالثبات و ان شاء الله ربي يثبتني في الأول ديما ثما صوت يجيك في وذنك يقلك توا انتي بش تتخلى على شهرتك و زينك وخدمتك و الفلوس وتقعد لابسة هكا و ساعات كي نخزر لروحي في المراية نرى روحي مش مزيانة اما اجتهدت و صليت و ان شاء الله ربي يثبتني.. انا قبل في الانستغرام كنت نهبط في المكياج و السيكان والحوايج.. توا ما عادش صحيحمانيش من اهل الذكر ومانيش متضلعة في الدين بش نفتي اما نهبط من باب النصيحة لمتابعيني و ممكن الناس تتأثر بيا.